2009/2010 ikasturtea inoiz baino indarberrituago iritsi da Bartzelonako Euskal Etxera; izan ere, euskarako klaseez gain, euskara eta euskal kulturarekin zerikusi zuzena duten makina bat ekitaldi antolatu ditugu dagoeneko!

Euskarako klaseetarako 150 ikaslek eman dute izena eta, jada, MATRIKULA ITXITA DAGO ikastaro presentzialetarako. Boga-rako, euskara on-line ikasteko, jadanik martxan dauden mintzasaioetan integratu ahal diren eta hasierako mailakoak ez diren matrikulak besterik ez ditugu onartzen.  Anima zaitez eta hasi Europako hizkuntza zaharrenetako baten altxorrak aurkitzen!

Euskara eskolez gain, aurten laugarren aldiz, Mintzalaguna proiektua jarri gura dugu martxan! Euskaldun zahar eta berriak elkartu eta Bartzelonan euskaraz aritzeko ingurune egokia sortzea lortu nahi dugu, eta musutruk gainera!

Edonola ere, hainbeste ikasi ondoren ikasitako hori praktikan jartzeko aukera ezin hobea izango duzu Euskal Etxeak antolatzen dituen jaialdi eta ospakizun guztietan! Anima zaitez Euskal Herria Sonan musikarekin mugiltzera, edo San Tomas egunean txistorra eta sagardoa dastatzera, edo txikienei Olentzarorekin jartzen zaien irribarrea ikustera, edo San Sebastian egunean danborra jotzera, edo trikipoteoetan dantza egitera... Eskaintza ezin hobea topatuko duzu beti hemen, Euskal Etxean, Bartzelonan.

Gurekin harremanetan jartzeko deitu 93 310 22 00 telefonora edo bidali e-mail bat euskarabcn@euskaletxeak.org helbidera.